रुकुम पश्चिम -४, चैत ।
आठबिसकोट नगरपालिका -१३, घेत्माका ७० वर्षीय छन्चरे दमाईको आर्थिक अभावका कारण उपचारमा समस्या भएको छ । विगत केही महिनादेखि शरीरको ढाडमा घाउ भएर हाल नेपालगञ्जमा उपचाररत छन्चरेको आर्थिक अवस्था कमजोर हुँदा उपचारमा समस्या देखिएको हो ।
उनको परिवारका अनुसार केही दिनअघि मात्र घाउको अपरेसन गरिएको, तर रिपोर्ट आउन बाँकी रहेको छ । छन्चरे दमाईको सुशील कोइराला प्रखर क्यान्सर अस्पताल खजुरा बाँकेमा उपचार भइरहेको पारिवारिक स्रोतले जनाएको छ । छन्चरेको पारिवारिक तथा आर्थिक अवस्था निकै दयनीय भएकाले देश तथा विदेशमा रहने मनकारी व्यक्तिहरूसँग आर्थिक सहयोगको अपिल गरिएको छ ।
बिरामी छन्चरेको उपचारमा अहिलेसम्म ऋणदान गरेर दुई लाख जति रुपैयाँ खर्च भएको उनको जेठो छोरा खिमराज दमाईले बताएका छन् ।
घरको आर्थिक अवस्था कमजोर हुँदा आफ्नो बुवाको उपचारका लागि सहयोग माग्नुपर्ने अवस्था सिर्जना भएको उनको भनाइ छ ।
सहयोगी मनकारी व्यक्तिहरूले तलको खाता नम्बर तथा दिइएको फोनमा सम्पर्क गर्न सक्नुहुनेछ ।
खिमराज दमाई
प्रभु बैंक आठबिसकोट शाखा
खाता नम्बर – २६००२९३१२५७०००१०
मोबाइल – ९७०८०३०८०१
