रुकुम पश्चिम -२९, फागुन ।
नेपाली कम्युनिस्ट पार्टी रुकुम पश्चिमले फागुन २१ गते सम्पन्न प्रतिनिधि सभा सदस्य निर्वाचनलाई लक्षित गरेर बिहिबार एक प्रेस विज्ञप्ति जारी गरेको छ । नेकपाले चुनौतीपूर्ण अग्नि परीक्षाको महासंग्राममा पार्टीका उम्मेदवार गोपाल शर्मालाई विजयी गराउने सबै मतदातालाई धन्यवाद व्यक्त गर्दै जनताको सेवामा दृढ भएर लाग्ने प्रतिबद्धता व्यक्त गरेको छ ।
पार्टीका लागि यसपटकको निर्वाचन कठिनपूर्ण भएको निष्कर्ष निकाल्दै विषम परिस्थितिमा पनि कम्युनिष्ट पार्टीको विजयीको विरासत जोगाउन सफल भएको कुरा विज्ञप्तिमा उल्लेख गरिएको छ ।
नेकपाले उम्मेदवार शर्माको विजयी यात्रा सँगै अब जिल्लाको विकास र समृद्धिको अभियानले गति लिने बताएको छ । उक्त अभियानमा जिल्लास्थित क्रियाशील राजनैतिक दलहरु सहित सम्पूर्ण जिल्लावासीहरु एकतावद्ध र लामवद्ध हुने विश्वास पनि व्यक्त गरेको छ ।
पार्टी केन्द्रीय सदस्य गोविन्द रोका र सुरज कुमार परियारले हस्ताक्षर गरेको विज्ञप्तिमा निर्वाचनको मत परिणाम आउँदासम्म खटिएका सबै सरोकारवाला निकाय र पार्टी शुभचिन्तकलाई धन्यवाद समेत व्यक्त गरिएको छ ।
प्रेस विज्ञप्ति तल छ ।
