रुकुम पश्चिम -२१, फागुन ।

आज भएको प्रतिनिधि सभा सदस्य निर्वाचनमा रुकुम पश्चिममा ५८ दशमलव ४४ प्रतिशत मत खसेको छ । जिल्लाका १ सय ४२ मतदान केन्द्रबाट ६२ हजार ९ सय ६८ मत खसेको हो ।

प्रमुख जिल्ला अधिकारी दिनेश प्रसाद थानीका अनुसार २८ हजार ३ सय ६४ पुरुष र ३४ हजार ६ सय ४ जना महिला मतदाताले मतदान गरेका छन् ।

निर्वाचन शान्तिपूर्ण रूपमा सम्पन्न भएको प्रजिअ थानीले बताए । रुकुम पश्चिममा १ लाख ६ हजार ६ सय ६० मतदाता रहेका थिए ।

निर्वाचन सम्पन्न भएसँगै जिल्लाका मतदान केन्द्रबाट मुख्य निर्वाचन अधिकृतको कार्यालयमा मतपेटिका सङ्कलन गर्ने काम भइरहेको छ ।