रुकुम पश्चिम -९, मङ्सिर ।

रुकुम पश्चिमको आठबिसकोट नगरपालिका -११, सिमपाखामा जिप र मोटरसाइकल ठोक्किदा तीनजना घाइते भएका छन् । सिम बजारबाट चिसापानी तर्फ आउँदै गरेको कर्णाली प्रदेश ०३-००१ प ०९२० नम्बरको मोटरसाइकल र राडीतर्फ जाँदै गरेको जिप एकआपसमा ठोकिँदा मोटरसाईकलमा सवार तीन जना घाइते भएका हुन् ।

घाइते तिनै जनालाई उपचारका लागि नगर अस्पताल राडीमा पुर्‍याइएको छ । घाइतेको पहिचान खुल्न सकेको छैन । दुर्घटनामा परेको मोटरसाइकल र जिपलाई प्रहरीले नियन्त्रणमा लिएको बताइएको छ ।

दुर्घटनाको थप विवरण आउन बाँकी रहेको जिल्ला प्रहरी कार्यालय रुकुम पश्चिमका प्रहरी निरीक्षक हरी प्रसाद पुनले बताए ।