रुकुम पश्चिम -१४, साउन ।

नेपाली राष्ट्रिय क्रिकेटका अलराउण्डर दीपेन्द्रसिंह ऐरी टि ट्वान्टी आई वरीयताको दोस्रो स्थानमा उक्लिएका छन् ।अन्तर्राष्ट्रिय क्रिकेट परिषद (आइसिसी) ले जारी गरेको पछिल्लो वरीयता अलराउण्डर तर्फ ऐरी दोस्रो स्थानमा उक्लिएका हुन् ।

यसअघि तेस्रो स्थानमा रहेका दिपेन्द्र दोस्रो स्थानमा उक्लिएर वरीयतामा सुधार गरेका छन् । टि ट्वान्टी आईको ब्याटिङ वरीयतामा भने दीपेन्द्र र कप्तान रोहित कुमार पौडेलको स्थान खस्केको छ ।

कुशल भुर्तेल र आसिफ शेखको ब्याटिङ वरीयता बढ्दा बलिङ तर्फ ललित नारायण राजवंशीको पनि दुई स्थान सुधार भएको छ ।

उनको वरीयताक्रम ५६औं स्थानमा रहेको छ ।