रिजन शर्मा
आठविसकोट -७, साउन ।

आठविसकोट -१४, को पिपलचौर नजिकै मङ्गलबार बेलुकी ठूलीभेरी नदिमा खसेको यति बिल्डर्सको टिप्पर भेटिएको छ । भेरी कोरिडोर अन्तर्गत पिपलचौरस्थित सडकबाट खसेको टिप्पर करिब चारसय मिटर तल ठुलीभेरी नदीमा भेटिएको प्रहरी निरीक्षक ॠषि पाठकले जानकारी दिए ।

उनका अनुसार टिप्परमा रहेका तीन जनाको अवस्था अझैसम्म अज्ञात रहेको छ । भेरी नदिमा बेपत्ता भएको उनीहरूको खोजी कार्य जारी छ । घटनास्थलमा जिल्ला प्रहरी कार्यालय रुकुम पश्चिमका प्रहरी नायब उपरिक्षक प्रमेश बिष्ट सहितको टोली रहेको छ ।

भेटिएको टिप्पर जाजरकोट तर्फको ठूलाबगर भागमा फेला परेको हो ।

यति बिल्डर्सको रा १ क १५०१ नम्बरको टिप्पर भेरी करिडोर सडक खण्डबाट ठुलीभेरी नदीमा खस्दा चालक सहित तीन जना बेपत्ता भएका छन् ।

बेपत्ता हुनेहरुमा टिप्पर चालक दाङका ३५ वर्षीय मनिराम चौधरी, यति विल्डर्सका जेसिबि चालक सानीभेरी गाउँपालिका -३, का धनबिर बिक र हेल्पर रुकुम पूर्वको सिस्ने गाउँपालिका -८, का हरि बिक रहेको प्रहरीले जनाएको छ ।