रुकुम पश्चिम -२९, असार ।
रुकुम पश्चिमभित्र चल्ने सवारी साधनको भाडादर बढाउने प्रस्ताव अनुमोदन गरिएको छ । जिल्ला प्रशासन कार्यालय रुकुम पश्चिममा आज बसेको यातायात व्यवस्थापन सम्बन्धी कार्यदलको बैठकले भाडा बढाउने प्रस्ताव अनुमोदन गरेको हो ।
सहायक प्रमुख जिल्ला अधिकारी विनोद रेग्मीका अनुसार सार्वजनिक सवारी साधन सञ्चालनका लागि स्वीकृत सडक खण्डमा सञ्चालन हुने सार्वजनिक सवारी साधनको भाडादर कायम गर्न गठित कार्यदलले भाडा बढाउने प्रस्ताव स्वीकृत गरेको छ । जस अनुरूप (क) वर्गका पक्की सडकमा चल्ने बसको भाडा प्रतिकिलोमिटर रु ५.९८ र जिपको ७.३२ अर्थात् १० प्रतिशले भाडा दर बढाउने निणर्य गरिएको छ ।
त्यस्तै (ख) वर्गका सडकमा चल्ने बसको भाडा प्रतिकिलोमिटर रु ९.१९ र जिपको १०.४१ अर्थात् ७ प्रतिशले भाडा बढ्ने छ ।
कार्यदलको बैठकले (ग) वर्गका सडकमा चल्ने बसको भाडा प्रतिकिलोमिटर रु ११ र जिपको १२.६४ अर्थात् १० प्रतिशले बढाउने प्रस्ताव अनुमोदन गरिएको सहायक प्रजिअ रेग्मीको भनाइ छ ।
यातायात व्यवस्थापन सम्बन्धी कार्यदलको बैठकले गरेको निर्णय तल छ ।
