रुकुम पश्चिम -२७, असार ।

आईसीसी पुरुष टी-२० विश्वकप युरोप छनोटमा जर्सीसँग स्कटल्याण्ड पराजित भएको छ । स्कटल्यान्डले दिएको १ सय ३४ रनको टार्गेट जर्सीले २० ओभरको अन्तिम बलमा पूरा गर्दै पहिलोपटक स्कटल्यान्डलाई एक विकेटले पराजित गरेको हो ।

जर्सीसँगको हारपछि स्कटल्यान्ड आगामी वर्ष भारत र श्रीलंकामा आयोजना हुने टि ट्वान्टी विश्वकपबाट बाहिरिएको छ । जर्सीले भने पुरुष टी-२० विश्वकप युरोप छनोटबाट विश्वकपमा पुग्ने सम्भावना कायमै गरेको छ ।

त्यसका लागि आज बेलुकी हुने इटली र नेदरल्यान्डबिचको खेलमा भर पर्नु पर्नेछ । सो खेलमा इटलीले नेदरल्याण्डलाई पराजित गरेमा जर्सी सजिलै छनोट हुनेछ ।

त्यस्तै नेदरल्याण्ड्सले फराकिलो अन्तरमा इटलीलाई पराजित गरेमा जर्सीको छनोट हुने सम्भावना रहने छ ।