रुकुम पश्चिम -२७, असार ।

नेकपा एकीकृत समाजवादी र नेकपा एकता राष्ट्रिय अभियानबिच पार्टी एकता हुने भएको छ । एकीकृत समाजवादीका अध्यक्ष माधवकुमार नेपाल र नेकपा एकता राष्ट्रिय अभियानका अध्यक्ष वामदेव गौतमले आज सहमतिपत्रमा हस्ताक्षर गर्दै पार्टी एकताको सहमति गरेका हुन् ।

दुई पार्टी बीचको सहमति अनुसार साउन २ गते राष्ट्रिय सभा गृहमा भव्य समारोहको आयोजना गरी पार्टी एकताको घोषणा गरिने भएको छ । नेपाल र गौतम सहितका नेताहरूको छलफलमा नेकपा एकता राष्ट्रिय अभियान नेकपा (एकीकृत समाजवादी) मा एकतावद्ध हुने भएको छ ।

दुवै पार्टीको राजनीतिक दर्शन, सिद्धान्त, कार्यक्रम, रणनीती र कार्यदिशामा एकरुपता रहेको र नेपालको कम्युनिष्ट आन्दोलनलाई एकतावद्ध गर्नुपर्ने आवश्यकतालाई ध्यानमा राख्दै एकताबद्ध हुने निर्णय गरिएको बताइएको छ ।

यस्तो छ सहमतिपत्र ।