रुकुम पश्चिम -२६, असार ।
हमासले १० जना इजरायली बन्धकलाई रिहा गर्न सहमति गरेको छ । इजरायली सेनाले गाजामा जारी राखेको बमबारी र नाकाबन्दीकै बीच हमासले १० जना बन्धकलाई रिहा गर्न सहमति जनाएको हो ।
युद्धविरामका लागि निरन्तर प्रयास भइरहे पनि इजरायलको नयाँ सर्तका कारण वार्तामा सहमति गर्न कठिन भएको हमासले बताएको छ ।
कतार र अमेरिकाको मध्यस्थतामा कतारको राजधानी दोहामा जारी वार्तामा हमासको अझै केही मुख्य विषयहरूमा मतभेद रहेको बुधबारको जारी विज्ञप्तिमा उल्लेख छ ।
मुख्य रुपमा गाजामा अत्यावश्यक मानवीय सहायता सहज रूपमा प्रवेश, गाजाबाट इजरायली सेना फिर्ता र स्थायी युद्धविरामको सुनिश्चितता हुनुपर्ने रहेको छ ।
यसैबीच इजरायली सेनाले गाजाका विभिन्न भागमा आक्रमण जारी राखेको अन्तर्राष्ट्रिय सञ्चारमाध्यमहरूले जनाएका छन् । पछिल्लो आक्रमणमा ७४ जना इजरायलीको मृत्यु भएको छ ।
