रुकुम पश्चिम -३०, जेठ ।
भारतको अहमदाबादमा बिहिबार दुर्घटनाग्रस्त एयर इन्डियाको विमानमा सवार २ सय ४१ जनाको मृत्यु भएको छ । चालक दलका १२ सदस्य सहित अन्य २ सय ४१ जनाको मृत्यु हुँदा एकजनाको जीवितै उद्धार गरिएको छ ।
दुर्घटनाग्रस्त विमानबाट जीवितै उद्दार गरिएका बेलायती नागरिक विश्वासकुमार रमेश विमानबाट उछिट्टिएर बाँच्न सफल भएका छन् । उनको अहमदावादकै अस्पतालमा उपचार भइरहेको छ ।
विमान उडेको केहीबेरमै आवासीय क्षेत्रमा खसेकाले जमिनमा पनि धेरै क्षति भएको अनुमान गरिएको छ । क्षतिको सम्पूर्ण विवरण आइसकेको छैन । जमिनमा रहेकाहरुको मानवीय क्षति भए नभएको विवरण पनि आइसकेको छैन । घटनाका विषयमा अनुसन्धान भइरहेको छ ।
पश्चिम भारतीय शहर अहमदाबादबाट बेलायतको लण्डनस्थित ग्याटविक विमास्थलका लागि उडेको एयर इन्डियाको विमान उडेको केही बेरमै दुर्घटनाग्रस्त भएको थियो । विमानमा २ सय ४२ जना सवार थिए । दुर्घटनाको कारण अझै खुल्न सकेको छैन ।
