रुकुम पश्चिम -२२, जेठ ।
रुकुम पश्चिमको बराह टाकुरामा जारी तेस्रो रुकुम कप भलिबलमा आज पाँचौँ दिन पुरुष र महिला तर्फको खेल हुने भएका छन् । प्रतियोगितामा बिहान ८ बजेदेखि महिला र मध्यान्ह १२ बजेदेखि पुरुषतर्फका खेलहरू सञ्चालन हुने आयोजकले बताएको छ ।
रुकुम भलिबल प्रशिक्षण केन्द्रका अध्यक्ष तेज बुढाका अनुसार ८ बजेदेखि सिमा भलिबल क्लब र १० बजेदेखि रुकुम भलिबल र बाँकेकोट गाउँपालिकाबिच खेल हुने छन् । त्यस्तै पुरुष तर्फ मध्यान्ह १२ बजे बौदीकाली गाउँपालिका र सिस्ने गाउँपालिका रुकुम पूर्व बिचको खेल हुने छ ।
दिउँसो २ बजेदेखि बाँफिकोट जिप्सिङ र बाँफिकोट गाउँपालिका तथा ४ बजे पछि बनगाड कुपिण्डे नगरपालिका सल्यान र हाम्रो सरोकारबिच खेल हुने आयोजकले बताएको छ ।
प्रतियोगितामा पालिका स्तरीय पुरुष भलिबलको विजेताले ५ लाख ११ हजार नगद पुरस्कार प्राप्त गर्ने छ ।
उप विजेताले २ लाख ९१ हजार पाउँदा तेस्रोले १ लाख ५१ हजार र सान्त्वना हुने टिमले १ लाख ११ हजार पुरस्कार पाउने सहित कप, मेडल र प्रमाणपत्र प्राप्त गर्ने छ ।
त्यस्तै खुल्ला महिला तर्फको विजेताले १ लाख नगद पुरस्कार प्राप्त गर्ने छ । उप विजेताले ७५ हजार पुरस्कार पाउँदा तेस्रो हुनेले ५० हजार सान्त्वना टिमले २५ हजार पुरस्कार सहित कप, मेडल र प्रमाणपत्रको पाउने आयोजकको भनाइ छ ।
