रुकुम पश्चिम -२२, जेठ । 

विश्वकप लिग टु क्रीकेट अन्तर्गत नेपालले नेदरल्याण्डलाई ५ विकेटले पराजित गरेको छ । चौथो राउण्डको त्रिकोणात्मक सिरिजको दोस्रो खेलमा बुधबार सम्पन्न खेलमा नेपालले नेदरल्याण्डलाई पराजित गरेको हो ।

आरिफ शेखको अर्धशतकको सहयोगमा नेपालले आइसिसी विश्वकप लिग टुको खेलमा नेदरल्याण्डलाई पराजित गरेको छ ।

नेदरल्याण्ले दिएको २ सय २६ रनको लक्ष्य नेपालले ४७.१ ओभरमा ५ विकेट गुमाउँदै पूरा गर्यो ।

नेपालका आरिफले ९९ बलमा ७ चौका र २ छक्का बनाउँदै ७८ रनमा आउट भए ।

लिग टु अन्तर्गत अब नेपालले बाँकी खेल जुन ८ गते स्कटल्याण्ड र जुन १० गते नेदरल्याण्ड विरुद्ध खेल्ने छ ।