रुकुम पश्चिम -११, चैत
प्रेस सेन्टर नेपाल कर्णाली प्रदेशको तेस्रो अधिवेशन सम्पन्न भएको छ । अधिवेशनले प्रतीक इच्छुक शर्माको अध्यक्षतामा नयाँ कार्यसमिति चयन भएको हो । आज सुर्खेतमा सम्पन्न अधिवेशबाट सर्वसम्मत रुपमा नेतृत्व चयन गरेको छ ।
निर्वाचित पदाधिकारीको उपाध्यक्षमा धर्मराज जिसी, उपेन्द्र प्रसाद न्यौपाने, तुलसा रोका र महासचिवमा अशोक कुमार सिंह चयन भएका छन् । त्यस्तै सचिवमा तिलकराज ओली, नरजङ्ग तामाङ्ग, जुना कुमारी रावत, प्रिमा कुमारी बिश्वकर्मा (प्रेरणा), तुलाराज चौलागाइ (आकाश) चयन हुँदा कोषाध्यक्षमा कृष्ण शर्मा पदाधिकारीमा अटाएका छन् । रुकुम पश्चिमका प्रचण्ड खत्री भने लेखा समिति संयोजक भएका छन् ।
त्यसैगरी सदस्यहरूमा गोविन्द विश्वकर्मा, विक्रम तिरुवा (सलिन), राकेश विक, सुनिल महरा, रमिता खड्का मगर, इन्द्रबहादुर बुढाथोकी, कालिवहादुर नेपाली, रमेश जैसी, टिकाराज उपाध्याय, र कल्पना रावत चयन भएका छन् ।
अधिवेशनले पत्रकारहरूको हकहित संरक्षण, तथ्यपरक तथा खोजमूलक पत्रकारिताको प्रवर्द्धन र कर्णाली प्रदेशको समग्र पत्रकारिता क्षेत्रको विकासलाई प्राथमिकता दिने निर्णय गरेको छ । नवनिर्वाचित अध्यक्ष प्रतीक इच्छुक शर्माले कर्णाली प्रदेशमा प्रेस स्वतन्त्रता र पत्रकारहरूको अधिकार सुनिश्चित गर्न नवनिर्वाचित कार्यसमितिले प्रभावकारी भूमिका खेल्ने बताए ।
