रूकुम पश्चिम -६, भदौ ।

मुसिकोट खलङ्गा खानेपानी तथा सरसफाई उपभोक्ता संस्थाको अध्यक्षमा महेन्द्र राज गौतम चयन भएका छन् । मुसिकोटमा आज सम्पन्न संस्थाको दोस्रो साधारण सभा तथा अधिवेशनबाट गौतम अध्यक्षमा सर्वसम्मत चयन भएका हुन् ।

संस्थाले गौतम सहित नौ जना कार्यसमिति चयन गरेको नवनिर्वाचित सचिव जीवन खड्काले बताए । संस्थाको उपाध्यक्षमा टेक बहादुर बस्नेत, सचिवमा जीवन खड्का, कोषाध्यक्षमा टेकबहादुर कुसारी चयन भएका छन् ।

त्यस्तै संस्थाको कार्यसमितिमा हरिबहादुर गिरी, मोहन रोका, भारसी बुढा, मैन कुमारी बुढा र कुमार गिरी चयन भएको बताइएको छ ।