रुकुम पश्चिम – १५, वैशाख ।

नेपाली कम्युनिष्ट पार्टीका नेता डाक्टर भिम रावलले पार्टी कार्य विभाजनलाई लिएर टिप्पणी गरेका छन् । उनले सामाजिक सञ्जाल फेसबुक मार्फत पार्टीले सार्वजनिक गरेको कार्य विभाजनलाई लिएर छोटो टिप्पणी गरेका हुन् ।

रावलले आफुलाई सुदूरपश्चिम प्रदेशको इन्चार्ज परामर्श बिना तोकेको भन्दै त्यो आफ्नो लागि उपयुक्त नभएको बताएका छन् । अन्य प्रदेशमा युवा पुस्तालाई इन्चार्जको जिम्मेवारी दिइएको तर, सुदूरपश्चिममा बुढो पुस्तालाई जिम्मेवारी तोकिएकोले यो निणर्य उपयुक्त नभएको उनको भनाइ छ ।

रावलले सुदूरपश्चिम प्रदेशमा पनि अरु प्रदेश जस्तै युवा पुस्तालाई नै प्रदेश इन्चार्जको जिम्मेवारी दिनुपर्ने सुझाव व्यक्त गरेका छन् ।

नेपाली कम्युनिष्ट पार्टी केन्द्रीय कार्य संयोजन समितिको बैठकले सोमबार ७ भूगोल प्रदेश तथा २ गैरभौगोलिक प्रदेशका लागि इन्चार्ज र संयोजक तोकेको छ ।