रुकुम पश्चिम -९, वैशाख ।

नेपाल सरकारका गृहमन्त्री सुदन गुरुङले आज पदबाट राजीनामा दिएका छन् । नागरिक स्तरबाट सेयर लागतमा उठाइएको विषय र जनचासोलाई गम्भीर रूपमा लिँदै उनले पदबाट राजीनामा दिएका हुन् ।

गुरुङले गत चैत १३ गते गृहमन्त्रीको जिम्मेवारी सम्हालेदेखि प्राप्त जिम्मेवारीलाई इमान्दारितापूर्वक कायम गरेको, तर पदभन्दा नैतिकता ठूलो भएको भन्दै गृहमन्त्रीबाट राजीनामा दिएको जानकारी गराएका छन् । उनले जनविश्वासभन्दा ठूलो कुनैपनि शक्ति नभएको भन्दै सार्वजनिक जीवन स्वच्छ र उत्तरदायी हुनुपर्ने बताएका छन् ।

साथै गुरुङले जेन्जी आन्दोलनको माग नै देशमा सुशासन, पारदर्शिता र जवाफदेहिता भएको समेत बताएका छन् । जेन्जी आन्दोलनको बलिदानी र रगतबाट बनेको सरकारलाई कसैले प्रश्न गर्छ भने त्यसको जवाफ नैतिकता हुने उनको ठहर छ ।

गुरुङले पदबाट राजीनामा दिँदै गर्दा आफूलाई लागेको आरोपको निष्पक्ष छानबिन गर्न पनि अनुरोध गरेका छन् । उनले आफू जस्तै अरुलाई पनि राम राज्यको चाहना राख्नेहरूलाई नैतिकताको साहस देखाउन आग्रह गरेका छन् ।