रुकुम पश्चिम -१२, फागुन ।
नेपाली कम्युनिष्ट पार्टी रुकुम पश्चिमले जिल्ला संयोजक सचिन रोकामाथि भएको हातपातको घटनालाई लिएर निन्दा र भर्त्सना गरेको छ । पार्टीले आज एक प्रेस विज्ञप्ति जारी गर्दै पार्टीका नेता र प्रतिनिधिलाई गरिएको हातपात प्रति घोर भर्त्सना गरेको हो ।
जिल्ला निर्वाचन परिचालन समितिका संयोजक बसन्त कुमार शर्माले हस्ताक्षर गरेको विज्ञप्तिमा नेता रोकालाई बाँफिकोट -४ लोछाबाङमा नेपाली कांग्रेसका कार्यकर्ताहरूले हातपात गरेको बताइएको छ । रोकालाई हातपात गर्ने निज कांग्रेस कार्यकर्ताले विद्यार्थी नेता गोविन्द मल्लमाथि पनि कुटपिट गरिएको उक्त विज्ञप्तिमा भनिएको छ ।
त्यस्तै वडा सदस्य ओपेन्द्र कुमार ओलीलाई मुसिकोट -९ को हिलगाउँतर्फ गइरहेको समयमा प्रगतिशील लोकतान्त्रिक पार्टीका कार्यकर्ताले कुटपिट गरी घाइते बनाएको बताइएको छ ।
नेकपाले यस्ता हर्कतहरु आगामी दिनमा नदोहोर्याउन सम्बन्धित पक्षलाई चेतावनी दिएको छ । यस खालका उछृङखल क्रियाकलापमा संलग्नलाई हदैसम्मको कानुनी कार्वाही गर्न प्रशासन समक्ष पनि जोडदार माग गरेको छ । अन्यथा त्यसबाट उत्पन्न हुने परिस्थितिको जिम्मेवार सम्बन्धित पक्ष नै हुने विज्ञप्तिमा भनिएको छ ।
विज्ञप्ति तल राखिएको छ ।
