रुकुम पश्चिम -३, फागुन ।

आज देशभर महाशिवरात्री पर्व मनाइँदै छ । शिव मन्दिरमा पूजा-अर्चना गरी व्रत बसेर देशभरका शिवालयमा विधिपूर्वक पूजा, आराधना एवं दर्शन गरेर शिवरात्री मनाइँदै छ ।

पर ब्रह्मले फागुन कृष्ण चतुर्दशीका दिन मध्यरातमा शिवरुप धारण गरेकाले मध्यरातमा चतुर्दशी तिथि परेकै दिन पूजा, आराधना, दर्शन गरे यस लोकमा सुख, शान्ति र परलोकमा सद्गति प्राप्त हुने शास्त्रीय वचन रहेकाले यो पर्व मनाइने गरिन्छ ।

वैदिक सनातन हिन्दू धर्मावलम्बीहरु आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा आराधना गर्दछन् । शिवजी उत्पत्ति हुनुभएको रातका नामबाट नामकरण भएको यो पर्व कालरात्री, मोहरात्री, सुखरात्री र शिवरात्री नामक चार प्रमुख रात्रिमध्ये एक पवित्र पर्वका रूपमा शिव पुराण लगायतका ग्रन्थमा उल्लेखित छ ।

यसैगरी आज रुकुम पश्चिममा पनि हिन्दू धर्मावलम्बीहरुले बिहानैदेखि नदीमा स्नान तथा शिवालयमा गई श्रद्धाभक्तिपूर्वक पूजा आराधना गर्दछन् । साथै केही स्थानमा मेला समेत लाग्ने गर्दछ ।