रुकुम पश्चिम -२, माघ ।

प्रगतिशील लोकतान्त्रिक पार्टी चौरजहारीले आज नगर कमिटी गठन गरेको छ । पार्टी केन्द्रीय सदस्य तथा कर्णाली प्रदेश इन्चार्ज राजकुमार शर्माको प्रमुख आतिथ्यतामा ६५ सदस्यीय नगर कमिटी गठन गरेको हो ।

पार्टीको विस्तारित बैठकबाट सुदास स्वर्णकारको अध्यक्षतामा ६५ सदस्यीय नगर कमिटी गठन गरिएको प्रलोपाले बताएको छ । उक्त बैठकबाट एकसय ५१ सदस्यीय निर्वाचन परिचालन समिति गठन पनि गरिएको छ ।

विस्तारित बैठकलाई प्रलोपा नेता जनार्दन शर्माले फोन मार्फत र इन्चार्ज राजकुमार शर्माले प्रशिक्षण सहितको मन्तव्य राखेको बताइएको छ ।

बैठकमा केन्द्रिय सदस्य तथा जिल्ला संयोजक शैलेस शर्मा र प्रदेश प्रदेश कमिटी सदस्यहरुको उपस्थिति रहेको थियो ।