रुकुम पश्चिम -२३, पुस ।
प्रगतिशील लोकतान्त्रिक पार्टी र राष्ट्रिय परिवर्तन पार्टीबिच चुनावी सहकार्य गर्ने सहमति भएको छ । प्रलोपाका निवार्चन परिचालन तथा वार्ता संवाद समितिका संयोजक जनार्दन शर्मा र राष्ट्रिय परिवर्तन पार्टीका उपाध्यक्ष दिनेशचन्द्र खनालको हस्ताक्षरमा चार बुँदे सहमति भएको हो ।
उक्त सहमति पत्रमा देशको गम्भीर अर्थ राजनीतिक संकट, भ्रष्टाचार, नातावाद, बेरोजगारी र राजनीतिमा देखिएको व्यापक भ्रष्टीकरण विरुद्धमा भएको पछिल्लो जेनजी आन्दोलनले उठाएका चुनौती र कार्यभारलाई पूरा गर्ने लक्ष्य राखिएको छ ।
त्यस्तै फागुन २१ गते हुने प्रतिनिधि सभा निर्वाचनमा दुई पार्टीबिचको सहकार्य सहित पार्टी एकताको लागि छलफल अगाडी बढाउने सहमति पनि गरिएको छ ।
देशविदेशमा बस्ने परिवर्तनशील, देशभक्त तथा उन्नत वैकल्पिक शक्ति र नवयुवाहरुलाई हातेमालो गर्न दुवै पार्टीले आह्वान गरेका छन् ।
यस्तो छ सहमति पत्र ।
