रुकुम पश्चिम -१६, पुस ।
त्रिवेणी गाउँपालिका स्तरीय चौथो राष्ट्रपति रनिङ सिल्डको उपाधि त्रिवेणी माध्यमिक विद्यालय सिम्रुतुले जितेको छ । त्रिवेणी गाउँपालिका शिक्षा युवा तथा खेलकुद शाखाको आयोजनामा सिम्रुतु माविमा पुस १३ गतेदेखि १५ गतेसम्म सञ्चालित रनिङ सिल्डको उपाधि सिम्रुतु माविले जितेको हो ।
पालिकाका प्रशासन सहायक लिलामणी दाहालका अनुसार १० वटा माविलाई पछि पार्दै ४६ पदकका साथ त्रिवेणी माविले पालिका स्तरीय सिल्ड जितेको छ । रनिङ सिल्डमा २७ स्वर्ण, १२ रजत र ७ काश्य पदक त्रिवेणी मावि सिम्रुतुले आफ्नो पक्षमा लियो ।
त्यस्तै हिमालय जनता मावि नुवाकोटले १४ स्वर्ण, ९ रजत र १० काश्य सहित कुल ३३ पदक जितेर दोस्रो बन्यो । रनिङ सिल्डमा दिव्यचछु मावि तलिगाउँ रुँघाले तेस्रो स्थान प्राप्त गरेको छ । उसले ५ स्वर्ण, ६ रजत र १२ काश्य गरी २३ पदक जित्दै तेस्रो स्थानमा सीमित भयो ।
चौथो राष्ट्रपति रनिङ सिल्डमा पाँचवटा विद्यालय भने स्वर्ण पदक विहीन भए ।
