रुकुम पश्चिम -७, पुस ।

नेपाल क्रिकेट संघ क्यानले विश्वकप छनोट तयारीका लागि २४ जना खेलाडीलाई प्रशिक्षणमा बोलाएको छ । क्यानले आइतबार २४ जनाको नाम सार्वजनिक गर्दै आजदेखि सुरु हुने प्रशिक्षणमा बोलाएको हो ।

राष्ट्रिय टोलीमा रहेका र केही दिनअघि सकिएको नेपाल प्रिमियर लिग (एनपिएल) सिजन टु को प्रदर्शनका आधारमा खेलाडी सार्वजनिक गरिएको क्यानले बताएको छ । प्रशिक्षणबाट विश्वकप खेल्ने अन्तिम टोलीको घोषणा गरिनेछ ।

आगामी माघ २५ देखि फागुन २४ गते ( २०२६ फेब्रुअरी ७ देखि मार्च ८) सम्म भारत र श्रीलंकामा आइसिसी टि ट्वान्टी विश्वकप आयोजना हुनेछ । नेपाल समूह ‘सी’ मा इङ्ल्याण्ड, वेस्ट इन्डिज, बंगलादेश, इटालीसँग रहेको छ । नेपालले माघ २५ गते इङ्ल्यान्डसँग विश्व कपको सुरुवात गर्नेछ ।

छनोट क्याम्पमा परेका खेलाडीहरू

कुशल भुर्तेल, आसिफ शेख, लोकेश बम, रोहित पौडेल, दिपेन्द्र सिंह ऐरी, कुशल मल्ल, सोम्पाल कामी, सन्दीप लामिछाने, सन्दीप जोरा, करण केसी, ललित राजवंशी, गुल्सन झा, आरिफ शेख, नन्दन यादव, साहब आलम, आदिल अन्सारी, शेर मल्ल, विनोद भण्डारी, भीम सार्की, अविनाश बोहरा, इशान पाण्डे, बसिर अहमद, प्रतिश जिसी, रुपेश कुमार सिंह ।