रुकुम पश्चिम – २७, मङ्सिर ।

नेपाल प्रिमियर लिग एनपीएलको उपाधि लुम्बिनी लायन्सले जितेको छ । टियु अन्तर्राष्ट्रिय क्रिकेट मैदानमा आज भएको फाइनल खेलमा सुदूरपश्चिमलाई ६ विकेटले पराजित गर्दै लुम्बिनीले उपाधि जितेको हो ।

यो उपाधिसँगै दोस्रो संस्करणको एनपीएलमा लुम्बिनी च्याम्पियन बनेको छ । टस जितेर पहिला ब्याटिङ रोजेको सुदूरपश्चिम ८५ रनमा अल आउट भयो ।

जवाफी ब्याटिङमा उत्रिएको लुम्बिनीले ९ ओभरमा टार्गेट पूरा गर्दै एनपीएलमा उपाधि जित दर्ता गर्‍यो । सुदूरपश्चिम भने उपविजेतामा सीमित बन्यो ।

पहिलो संस्करणको एनपीएल उपाधि जनकपुर बोल्ट्सले जितेको थियो । तर यसपटक जनकपुर प्रतियोगितामा एक मात्र खेल जितेर अंकतालिकाको पुछारमा रह्यो ।