रुकुम पश्चिम -२, कात्तिक ।

आज कागलाई मिठा-मिठा खानेकुरा दिएर काग तिहार मनाईंदैछ । कात्तिक कृष्ण त्रयोदशीका दिन यमराजको दूतका रूपमा कागलाई मिठो खाना दिएर काग तिहार मनाइन्छ ।

काग तिहार कात्तिक कृष्ण त्रयोदशीदेखि कात्तिक शुल्क द्वितीयासम्म पाँच दिन मनाइने तिहार पर्वको पहिलो दिन हो । कागलाई यमराजको सन्देश वाहकको रूपमा सम्मानको साथ पूजाआजा गरेर खानेकुरा दिइन्छ ।
कागलाई यमराजको अत्यन्त प्रिय भक्त पनि मानिन्छ ।

शनिबार देखि यमपञ्चक सुरु भएपनि आज बिहान सूर्योदयकालमा त्रयोदशी भएको दिन काग तिहार मनाउनुपर्ने भएकाले शास्त्रसम्मत् रूपमा आज यो पर्व मनाउनुपर्ने निर्णय गरिएको नेपाल पञ्चाङ्ग निर्णायक विकास समितिले बताएको छ ।

यस वर्षको भाइटिका कात्तिक ६ गते बिहीबार परेको छ । भाइटीकाको शुभ साइत ६ गते बिहान ११ बजेर ३९ मिनेटमा रहेको नेपाल पञ्चाङ्ग निर्णायक समितिले यसअघि नै जानकारी गराएको छ ।