रुकुम पश्चिम -३१, असोज ।

आइसिसी पुरुष टि ट्वान्टी एसिया तथा इस्ट एसिया-प्यासिफिक छनोटको सुपर सिक्समा अन्तिम खेलमा नेपालले समाओलाई पराजित गरेको छ । ओमान क्रिकेट एकेडेमी मैदानमा आज भएको खेलमा नेपालले समाओलाई १ सय २४ रनले पराजित गरेको हो ।

आजको जितसँगै नेपाल प्रतियोगिताको शीर्ष स्थानमा रहँदै च्याम्पियन बनेको छ ।

आजको अन्तिम खेलमा जितका लागि २ सय १२ रनको लक्ष्य पाएको समाओले पुरै २० ओभर खेल्दै ८७ रनमा समेटियो ।

प्रतियोगितामा च्याम्पियन बनेको नेपाल अर्को वर्ष भारत र श्रीलंकामा हुने टि२० विश्वकपमा छनोट भएको छ । नेपालले आफ्नो क्रिकेट इतिहासमा हासिल गरेको यो सबैभन्दा ठूलो सफलता हो ।