रुकुम पश्चिम, -१८, भदौ ।

रुकुम पश्चिमको आठबिसकोट नगरपालिका–११ मा स्थानीयको आर्थिक लगानीमा सडक स्तरउन्नति गरिएको छ । नगरपालिकाको केन्द्रमा रहेको सिमबजारदेखि जनकल्याण मावि गोइरीसम्मको करिब पाँच किलोमिटर सडक स्तरउन्नति गरिएको हो ।

सरकारले बेवास्ता गरेको अवस्थामा स्थानीय रुद्र बहादुर गिरिले करिब ५० हजार रुपैयाँ खर्च गरेर सडक स्तरोन्नति गरेका हुन् । अविरल वर्षाका कारण ठाउँ–ठाउँमा पहिरो जाँदा आवतजावतमा कठिनाइ भएपछि सडक सुधार गरिएको गिरीले बताएका छन् ।

सडक स्तरोन्नतिसँगै अब यातायातका साधन सहज रुपमा सञ्चालन हुने र स्थानीयलाई समेतआवागमनमा सहजता पुग्ने स्थानीय बताउछन् ।

गोइरी गाउँका बासिन्दाले हरेक वर्ष बर्खायाममा सडक अवरुद्ध हुनेदेखी खानेपानीको समस्या खेप्दै आएका छन । यहाँको समस्या दिगो समाधानका लागि सरकारको ध्यान केन्द्रित हुनुपर्ने  स्थानीयको माग छ ।