रुकुम पश्चिम -२२, साउन ।

भारतको उत्तराखण्ड राज्य उत्तरकाशीको पहिरोमा परेर जाजरकोटका १३ जना बेपत्ता भएका छन् । साउन २० गते वर्षापछि आएको भिषण पहिरोमा परेर कुशे गाउँपालिका -२, का १३ जना बेपत्ता भएका हुन् ।

कुशे गाउँपालिकाले आज एक शोक विज्ञप्ति मार्फत एउटै वडाका १३ जना भन्दा बढी बेपत्ता भएको र अन्य वडाका केही व्यक्तिहरू पनि सम्पर्कमा नआएको बताएको छ । उक्त पहिरोमा हराएकाहरूको खोजी तथा उद्धारका लागि नेपाल सरकार, परराष्ट्र मन्त्रालय मार्फत कूटनीतिक पहल गरिदिन प्रदेश तथा संघिय सरकारलाई ध्यानाकर्षण गरिएको छ ।

गाउँपालिकाले उत्तरकाशीको भिषण बाढी तथा पहिरोबाट भएको मानवीय तथा भौतिक क्षतिप्रति दुःख व्यक्त गरेको छ ।

उत्तरकाशीको भीषण पहिरोबाट १ सय ५० जना पुरिएको आशंका गरिएको छ । अन्य पाँचजना भन्दा बढीको शव फेला परेको बताइएको छ ।