रुकुम पश्चिम -१२, साउन ।

नेकपा माओवादी केन्द्रका उपमहासचिव तथा पूर्व मन्त्री जनार्दन शर्माले सामाजिक सञ्जाल र सञ्चार माध्यममा भइरहेको टिका टिप्पणीप्रति आपत्ति जनाएका छन् । सामाजिक सञ्जाल मार्फत् शर्माले माओवादी पार्टीका बारेमा आफु अनुकूल व्याख्या नगर्न भन्दै आपत्ति जनाएका हुन् ।

शर्माले टिका टिप्पणी गर्नुभन्दा समग्र पक्षको अध्ययन गर्न आग्रह समेत गरेका छन् । पछिल्लो समय नेकपा माओवादी केन्द्रका अध्यक्ष पुष्पकमल दाहाल प्रचण्ड र शर्मा बिचको विषयलाई लिएर विभिन्न सञ्चार माध्यम र सामाजिक सञ्जालमा टिका टिप्पणी हुने गरेको छ ।

सोही विवाद र विषयलाई चिर्नका लागि नेता शर्माले सामाजिक सञ्जाल मार्फत आफ्नो ध्यानाकर्षण भएको बताएका छन् ।