रुकुम पश्चिम -६, साउन ।

रुकुम पश्चिमको आठविसकोट नगरपालिका -१४ को पिपलचौर नजिकै टिप्पर दुर्घटना भएको छ । आज बेलुकी ७ बजेर ४५ मिनेटमा टिप्पर दुर्घटना हुँदा दाङका ३५ वर्षीय चालक मणिराम चौधरीको मृत्यु भएको र दुईजना बेपत्ता भएको प्रहरीले बताएको छ ।

दुर्घटनाग्रस्त टिप्पर भेरी नदीमा खसेको र बेपत्ता व्यक्तिको खोजीकार्य भइरहेको बताइएको छ । दुर्घटनाको खबर प्राप्त हुनासाथ स्थानीय बासिन्दा र प्रहरीको सक्रियतामा खोजीकार्य सुरु गरिएको थियो ।

दुर्घटनामा परेको यति बिल्डर्सको रा १ क १५०१ नम्बरको टिप्पर आठविसकोटको चिसापानीबाट छेपारे तर्फ जाँदै गरेको प्रहरीले बताएको छ ।