रुकुम पश्चिम -१२, असार ।
रुकुम पश्चिमको आठविसकोट नगरपालिकामा भिरबाट लडेर एक किशोरीको मृत्यु भएको छ । बिहीबार बिहान वडानम्बर -९, की १७ वर्षीया बालिका खत्रीको भिरबाट लडेर मृत्यु भएको प्रहरीले बताएको छ ।
जिल्ला प्रहरी कार्यालयका सूचना अधिकारी तथा प्रहरी निरीक्षक हरि प्रसाद पुनले खानेपानीको पाइप जोड्न गएकी खत्रीको उपचारको क्रममा मृत्यु भएको बताए । भिरबाट अन्दाजी १५ मिटर तल खसेकी खत्रीको टाउकोमा चोट लागेको र नगर अस्पताल राडीमा उपचार गर्दा डाक्टरले मृत घोषणा गरेको बताइएको छ ।
बिहानै घरबाट निस्किएर पानी लगाउन गएकी खत्री अबेर सम्म घरमा आई नपुगेपछि परिवारले उनको खोजी गरेको थियो । सो क्रममा भिरबाट लडेकी खत्रीलाई परिवारले घाइते अवस्थामा फेला पारेर नगर अस्पत्ताल पुर्याएका थिए ।
भिरबाट किशोरी लडेको खबर प्रहरीलाई प्राप्त हुनासाथ प्रहरी नायब निरीक्षक कृष्ण बटालाको कमाण्डमा चार जनाको टोली घटनास्थलमा खटी गएको हो ।
