रमेश मल्ल
रुकुम पश्चिम -२५, वैशाख ।

रुकुम पश्चिमको आठबिसकोट नगरपालिका वडानम्बर -१४, लाई आज पूर्ण खोप वडा घोषणा गरिएको छ । स्थानीय स्रोतको उपयोग, स्वामित्व र सहभागिता: पूर्ण खोप सुनिश्चितता हाम्रो प्रतिबद्धता भन्ने अभियान सहित पूर्ण खोप वडा घोषणा गरिएको हो ।

वडा अध्यक्ष हुकुम बहादुर पुनले पूर्णखोप वडा सुनिश्चितताका लागि सबै प्रक्रिया पूरा गरिएकाले एक कार्यक्रमको आयोजना गरी पूर्ण खोप वडा घोषणा गरिएको बताए । वडालाई २५ गते भित्रै पूर्ण खोप वडा घोषणा गर्ने कार्यक्रम अनुरूप १५ महिनाको उमेर भित्र बालबालिकाले पाउनुपर्ने सबै खोपहरू प्राप्त गरेर सुनिश्चित गरिएको छ ।

साथै वडा खोप समन्वय समितिको बैठकले यस वडालाई पूर्णखोप सुनिश्चतता भएको घोषणा दिगोपना प्रमाणीकरण गर्नका लागि नगरपालिका खोप समन्वय समितिमा सिफारिस गर्ने निर्णय समेत गरेको छ ।