रुकुम पश्चिम -३, चैत्र

नेपाल कम्युनिस्ट पार्टी (एकीकृत समाजवादी) दैलेख जिल्ला कमिटीको आठौं जिल्ला अधिवेशन सफलतापूर्वक सम्पन्न भएको छ । सम्पन्न अधिवेशनबाट ५१ सदस्यीय जिल्ला कमिटी निर्विरोध निर्वाचित भएका छन् ।

नव-निर्वाचित जिल्ला कमिटीको अध्यक्षमा मायाराम अधिकारी चयन भएका छन् । त्यस्तै, जगत पन्त र राज बहादुर शाही उपाध्यक्षमा चयन भएका छन् । सचिवमा दिपक हमाल, निर्वाचित भएका छन भने सहसचिवमा सुरेन्द्र बहादुर शाही, मीन बहादुर बस्नेत, र टीका देवी सिंह निर्वाचित भएका छन् ।

नवनिर्वाचित कमिटीले पार्टीको संगठन सुदृढीकरण, जनसमस्याको समाधान, तथा समावेशी प्रतिनिधित्वलाई मुख्य प्राथमिकता दिने जनाइएको छ ।

अधिवेशनको उदघाटन पार्टीका वरिष्ठ उपाध्यक्ष तथा प्रतिनिधि सभा सदस्य एवं बागमती प्रदेशका पूर्व मुख्यमन्त्री राजेन्द्र प्रसाद पाण्डेले गर्नु भएको थियो । कार्यक्रममा पार्टीका सचिव तथा प्रदेश इन्चार्ज चन्द्र बहादुर शाही,पोलिटब्युरो सदस्य तथा प्रदेश सहईन्चार्ज अम्मर वहादुर थापा, प्रदेश अध्यक्ष ठगेन्द्र प्रकाश पुरी र केन्द्रीय सदस्य तथा जिल्ला इन्चार्ज सावित्री मल्लकाे आतिथ्यता रहेको थियो ।