रुकुम पश्चिम -२३, जेठ ।

रुकुम पश्चिममा कमलताल यातायात प्रालिले आजबाट चारवटा एसी सुपर बस थप गरेको छ । रुकुम-काठमाडौँ तथा काठमाडौँ-रुकुम पश्चिम चल्ने गरी एकैसाथ चारवटा नयाँ एसी बस थप गरेको हो ।

कमलताल प्रालिका अध्यक्ष ललित बुढाका अनुसार रुकुमेली नागरिकलाई लामो दुरीको आरामदायी यात्रा दिने गरी एक करोड बढी लगानीमा (एक बस) नयाँ सुपर बस थप गरिएको छ । ३२ सिट क्षमताका चारवटै बसमा ६/६ जना यात्रुलाई सुतेर यात्रा गर्ने व्यवस्था पनि राखिएको छ ।

नयाँ सुविधायुक्त बसमा सोफा सिट, एसी, वाईफाई, मोबाइल चार्जिङ पोइन्ट र टिभी जडान गरिएको छ ।

यी बसमा यात्रा गर्दा यात्रुलाई अन्य बसको भन्दा २० प्रतिशत बढी भाडा लाग्ने छ । आज भित्रिएका नयाँ एसी बस सोमबार रुकुम देखि काठमाण्डौ छुट्नेछन् ।