रुकुम पश्चिम -२३, जेठ ।
खै ! यो देश कसले पो डुबायो ?
हिजो राजाले डुबायो भन्थे
आज हजारौं राजाले डुबायो भन्छन्
कस्तो अनायासै ! हलचल खेल हो ।
जहिले पनि जस्तो व्यवस्था भएपनि
एक अभ्यास मात्रै देशको संचालन
आउन सकेको छैन अझै यहाँ सुशासन ।
सधैं सत्ता चलाउनेले देश डुबायो कि
सधैं भत्ता पाउनेले देश डुबायो कि
विचौलिया माफियाले देश डुबायो कि
देश जलाउनेले यो देश डुबायो कि
देशभन्दा धनीले यो देश डुबायो कि
गरिब निमुखाले यो देश डुबायो कि
कसले पो देश डुबाउन लागिरहेको हो ।
टिकटक चलाउने जस्तो सम्झन्छन् देशलाई
कति छिट्टै फेर्नु पर्ने सत्ता कति सजिलो अरे
कचकचे विरोधमा विरोध कुर्सी हल्लाउन
सत्ताधारी पनि अत्तालिन्छन् कुर्सी जोगाउन
किन गर्छौ त? तै रानी मै रानी भयंकर
फिल्म बनाउन त देउ केही दिन भै स्थिर ।
स्वर्गरुपि देश नेपालका सयौं दैवका बास
ज्ञानपुन्ज बुद्ध, उच्च शिर दुनियाँको आश
साँच्चै ! के थिए होला वीर सहिदका सपना
सायद एकतामै समृद्ध नेपाल बनाउने हुनुपर्छ ।
सत्तामै लालायित मान्छेका अनेक लिला आज त
भद्रगोल देश बनाइ समृद्धिको चाहना हेर त ।
नैतिकताको स्वभाव मान्यको देख्दा लज्जास्पद
गरेको भूलको पनि यिनलाई केही छैन विस्मात
यस्तो ताल नदेखाउ अब देशप्रति गम्भीर बनि सोच
यहि समय हो सुनौलो तिम्रो सुन्दरताको इतिहास रच ।
