रुकुम पश्चिम -२२, फागुन ।

रुकुम पश्चिममा अहिले ८ बजे सर्वदलीय बैठक बस्दै छ । बिहीबार सम्पन्न प्रतिनिधि सभा सदस्य निर्वाचनको मत गणनाका लागि सर्वदलीय बैठक बस्न लागेको हो ।

बैठक पछि मतगणना कार्य सुरु हुने मुख्य निर्वाचन अधिकृतको कार्यालयले बताएको छ । जिल्लाका सबै मतदान केन्द्रबाट मतपेटीका आइपुगेकाले सर्वदलीय बैठक बस्ने र त्यसपछि मात्रै मतगणना सुरु हुने छ ।

मतगणनाका लागि गणनास्थलमा सिसी क्यामेरा सहित सुरक्षा व्यवस्था कडा पारिएको छ । जिल्ला समन्वय समितिको हलमा मतगणना गरिनेछ ।