रुकुम पश्चिम -५, फागुन ।
आइसीसी टि२० विश्वकप २०२६ अन्तर्गत आज नेपालले अन्तिम खेल स्कटल्यान्डसँग खेल्दैछ । खेल मुम्बईको वानखेडे स्टेडियममा बेलुकी ७:१५ बजेदेखि सुरु हुनेछ ।
समूह सी मा रहेको नेपालले आज स्कटल्यान्डलाई पराजित गर्दै विश्वकपमा सुखद अन्त्य गर्ने लक्ष्य राखेको छ । समूह चरणका तीनवटै खेलमा पराजित हुँदै सुपर आठबाट बाहिरिएको नेपालले आजको खेल जित्न सके यसपटकको टि२० विश्वकपमा यो नै पहिलो जित हुनेछ ।
२०१४ मा पहिलो पटक टि२० विश्वकपमा सहभागी भएको नेपालले २०२४ मा समेत कुनै खेल जितेको थिएन । यसपटक नेपालले समूहचरणको पहिलो खेल ङ्ल्यान्डसँग कडा प्रतिस्पर्धा गर्दै चार रनले पराजित भएको थियो । उक्त हारपछि नेपाल सुपर आठमा प्रवेश गर्ने अनुमान गरिएको थियो । तर त्यसपछिका बाँकी दुई खेलमा नेपालको उत्कृष्ट प्रदर्शन हुन सकेन ।
यसपटकको विश्वकप भारतका पाँच शहरका पाँच वटा स्टेडियम र श्रीलंकाको दुई शहरका तीन मैदानमा सञ्चालन भइरहेको छ ।
टि ट्वान्टी विश्वकपमा २० वटा राष्ट्र सम्मिलित छन् ।
