रुकुम पश्चिम -२९, माघ ।

आइसीसी टि२० विश्वकप २०२६ अन्तर्गत नेपालले आज इटालीसँग खेल्दैछ । खेल दिउँसो ३:१५ देखि मुम्बईको वानखेडे स्टेडियममा सुरु हुनेछ ।

समूह सी मा रहेको नेपाल र इटाली टि२० विश्वकपमा पहिलोपटक आमने सामने हुँदैछन् । आजको खेल नेपालका लागि निकै महत्वपूर्ण मानिएको छ ।

यदि आज नेपालले इटालीलाई जितेमा नेपालले विश्वकप यात्रामा दुई अङ्क प्राप्त गर्नेछ । इटालीलाई पराजित गरेमा १२ वर्षपछि विश्वकपमा पहिलो जित दर्ता गर्दै नेपालले इतिहास रच्ने छ ।

विश्वकपको सुपर ८ मा पुग्नलाई भने नेपालले बाँकी तीनवटै खेल जित्नुपर्ने वा नेट रन रेटमा सुधार गर्नुपर्नेछ ।

यसपटकको विश्वकप भारतका पाँच शहरका पाँच वटा स्टेडियम र श्रीलंकाको दुई शहरका तीन मैदानमा सञ्चालन भइरहेका छन् ।

टि ट्वान्टी विश्वकपमा २० वटा राष्ट्र सम्मिलित छन् ।