रुकुम पश्चिम -६, माघ ।

प्रतिनिधिसभा सदस्य निर्वाचनका लागि रुकुम पश्चिमको मुख्य निर्वाचन अधिकृतको कार्यालयमा मनोनयन दर्ता सुरु भएको छ ।

फागुन २१ गते हुने निर्वाचनका लागि जिल्लाका क्रियाशील राजनीतिक दलका उम्मेदवारबाट मनोनयन पत्र दर्ता सुरु भएको हो ।

मुख्य निर्वाचन अधिकृतको कार्यालयका अनुसार दिउँसो १ बजेसम्म राष्ट्रिय जनमोर्चाका उम्मेदवार सत्यनारायण श्रेष्ठले मनोनयन दर्ता गरेका छन् । अन्य दलका उम्मेदवारहरु मनोनयन दर्ताका लागि निर्वाचन अधिकृतको कार्यालयमा आउने क्रम चलिरहेको छ ।

दलका उम्मेदवारलाई मनोनयन दर्ताका लागि छुट्टाछुट्टै समय दिईएको छ । निर्वाचन अधिकृतको कार्यालयमा बेलुकी ५ बजेसम्म मनोनयन दर्ता गर्ने समय रहेको छ ।