रुकुम पश्चिम -१९, पुस ।
नवौं एनभिए कप पुरुष भलिबल च्याम्पियनसिपको उपाधि टिपटप हेल्प नेपालले जितेको छ । काठमाडौँ स्थित त्रिपुरेश्वर कबर्ड हलमा आज भएको फाइनलमा त्रिभुवन आर्मी क्लबलाई ३-० को सोझो सेटमा पराजित गर्दै टिपटप हेल्प नेपालले उपाधि जितेको हो ।
यो जितसँगै टिपटप हेल्प नेपालले नवौं एनभिए कपमा लगातार तेस्रो उपाधि जित्दै च्याम्पियन बनेको छ । सेमिफाइनलमा हेल्प नेपालले विभागीय टिम पुलिसलाई पराजित गरेर फाइनलमा पुगेको थियो ।
त्यस्तै उपविजेता बनेको आर्मीले रुकुम पश्चिम भलिबल प्रशिक्षण केन्द्रलाई सेमिफाइनलमा पराजित गरेको थियो ।
यसैगरी तेस्रो स्थानका लागि आज बिहान भएको खेलमा विभागीय टिम पुलिस क्लबले रुकुम पश्चिम भलिबल प्रशिक्षण केन्द्रलाई ३-२ को सेटमा पराजित गरेको हो ।
नवौं एनभिए कप महिलातर्फको उपाधि भने न्यू डाइमण्डले जितेको छ । उसले विभागीय टिम नेपाल पुलिस क्लबलाई पराजित गरेको हो ।
