रुकुम पश्चिम -४, पुस ।
राष्ट्रिय एकता, शान्ति र समृद्धिको सन्देश दिने उद्देश्यले पैदल यात्रा सुरु गरेका केशव रावल आज बाग्लुङको बुर्तिबाङ पुगेका छन् । राष्ट्रिय झन्डा, कम्युनिष्ट पार्टीको हसिया हतौडा अंकित झण्डा र नेपाली कम्युनिष्ट पार्टीको चुनाव चिन्ह तारा अङ्कित झन्डा बोकेर पैदल यात्रामा हिँडेका रावल दिउँसो २ बजे बुर्तिबाङ पुगेका हुन् ।
हिमाली जिल्ला रुकुम पूर्वको सिस्ने गाउँपालिका वडानम्बर -८, बाट पुष १ गते सुरु गरेको पैदल यात्राको चौथो दिन रावल बुर्तिबाङ पुगेका छन् । उनले काठमाडौँ सम्मको पैदल यात्रालाई राष्ट्रिय एकताको सन्देश तथा सहिद बेपत्ता, घाइते अपाङ्गको समर्पण र सम्मानका लागि सुरु गरिएको बताएका छन् ।
पैदल यात्राको क्रममा उनले सबैको माया, हौसला र साथ पाएकोमा खुसी व्यक्त गरेका छन् । रावलले पैदल यात्रालाई आफ्नो सामाजिक सञ्जाल फेसबुकबाट लाइभ अपडेट समेत गर्दै आइरहेका छन् ।
उनी नेपाली कम्युनिस्ट पार्टीका युवा नेता समेत हुन् ।
