रुकुम पश्चिम – १, पुष ।
नेकपा एमाले रुकुम पूर्वका जिल्ला अध्यक्ष लिलामणि गौतम नेकपा एमालेको केन्द्रीय सदस्यमा निर्विरोध निर्वाचित भएका छन् । गौतम लुम्बिनी प्रदेशबाट ४० वर्षमुनिको केन्द्रीय सदस्य पदमा निर्विरोध निर्वाचित भएका हुन् ।
एमालेको कान्छो जिल्ला अध्यक्षका रुपमा युवामाझ लोकप्रिय गौतम युवा कोटाबाट निर्विरोध भएका छन् । उनले एमालेको एघारौँ महाधिवेशनमा पार्टी विधान र मापदण्ड अनुसार केन्द्रीय कमिटीमा युवा पुस्ताको प्रतिनिधित्व सुनिश्चित गरिनुपर्छ भन्ने आवाज उठाउँदै आएका थिए ।
अन्ततः गौतम निर्विरोध भएसँगै रुकुम पूर्वले एमाले केन्द्रीय कमिटीमा युवा नेताको प्रतिनिधित्वलाई सुनिश्चित गर्ने अवसर प्राप्त गरेको छ ।
नेकपा एमालेको ११औं महाधिवेशनमा अध्यक्ष पदमा केपी शर्मा ओली र ईश्वर पोख्रेल बिच चुनावी प्रतिस्पर्धा हुँदैछ । दुवैजना अध्यक्षका उम्मेदवारले पदाधिकारी लगायत केन्द्रीय कमिटीमा समेत आआफ्नो चुनावी प्यानल बनाएका छन् ।
एमालेको निर्वाचन आज हुँदैछ । निर्वाचनबाट ३ सय १ सदस्यीय केन्द्रीय कमिटी निर्माण हुनेछ ।
