रुकुम पश्चिम -१९, मङ्सिर ।
आठबिसकोट नगरपालिका -१४, पिपलचौरमा जिप दुर्घटना हुँदा १० जना भन्दा बढी घाइते भएका छन् । मुसिकोट खलङ्गाबाट राडी तर्फ जाँदै गरेको लु १ ज ८०८२ नम्बरको जिप ब्रेक फेल भएर दुर्घटना हुँदा १० जना भन्दा बढी यात्रु घाइते भएका हुन् ।
घाइते हुनेमा आठबिसकोट नगरपालिका -१३, का ५१ वर्षीय हरी जङ्ग मल्ल, ३४ वर्षीय प्रकाश जङ्ग मल्ल, १३ वर्षीया विनु मल्ल, ४२ वर्षीय भरत जङ्ग मल्ल र २८ वर्षीय डिलबहादुर बिक रहेको जिल्ला प्रहरी कार्यालयका सूचना अधिकारी प्रहरी निरीक्षक हरिप्रसाद पुनले बताए ।
त्यस्तै सानीभेरी गाउँपालिका -९, की ३३ वर्षीय बसन्ता शाह, भुमे गाउँपालिका -२, का २२ वर्षीय विजय बुढा, नलगाड नगरपालिका -९, का १९ वर्षीया बिमला केसी, आठबिसकोट नगरपालिका -१३, की १७ वर्षीय रिता परियार रहेका छन् ।
दुर्घटनामा आठबिसकोट नगरपालिका -९, का ३२ वर्षीय अभिषेक केसी र नलगाड नगरपालिका -८, का ३२ वर्षीय विष्णु केसी, आठबिसकोट नगरपालिका -१२, की प्रमिला ओली र आठबिसकोट नगरपालिका -११, की मनिषा मल्ल घाइते भएका छन् ।
घाइते सबै यात्रको अवस्था सामान्य रहेको प्रहरीले बताएको छ । घाइतेलाई उपचारको लागि नगर अस्पताल राडी लागिएको छ । जीप एकसय मिटर तल खसेको बताइएको छ । जिपमा १५ जना सवार रहेको प्रहरीको भनाई छ ।
