रुकुम पश्चिम -२२, असोज ।
आठबिसकोट नगरपालिका -१४, को बाँके ज्यूलामा एकसय ९औं बाँकेज्यूला मेला सञ्चालन गरिने भएको छ । राष्ट्रका लागि खेलकुद स्वास्थ्यका लागि खेलकुद भन्ने मूल नाराका साथ विविध प्रतियोगिता सहित एकसय ९औं बाँकेज्यूला मेला सञ्चालन गर्न लागिएको हो ।
असोज ३० गतेदेखि सञ्चालन गरिने मेलामा वडा स्तरीय पुरुष भलिबल र अन्य सांस्कृतिक कार्यक्रम आयोजना गरिएको आयोजकले बताएको छ । पुरुष भलिबल प्रतियोगितामा प्रथम हुनेले ८० हजार नगद, मेडल, ट्रफी र प्रमाण पत्र पाउने छ । दोस्रो हुनेले ५५ हजार नगद, मेडल, ट्रफी र प्रमाण पत्र तथा तेस्रो हुनेले ३० हजार नगद सहित मेडल र प्रमाण पत्र पाउने छ ।
प्रतियोगितामा सहभागी हुनको लागि दर्ता शुल्क ७ हजार तोकिएको छ । असोज ३० गते बिहान १० बजेसम्म टिम दर्ता गर्ने अन्तिम समय राखिएको छ ।
खेल उद्घाटन दिउँसो २ बजेदेखि सुरु गरिने मेला आयोजक समितिका अध्यक्ष पवन बिकले बताए ।
बाँकेज्यूला मेलामा घैँटोफोर र एकल नृत्य पनि प्रतियोगिताको रुपमा राखिएको छ । मेला उद्घाटनमा स्थानीय झाँकी, मयूर नाच लगायत अन्य प्रस्तुति प्रस्तुत गरिने आयोजकले बताएको छ ।
