रुकुम पश्चिम -१६, भदौ ।

रुकुम पश्चिमको मुसिकोट नगरपालिका–०१ र ०५ मा पर्ने बागबजार क्षेत्रमा आज बिहान सरसफाइ गरिएको छ। अस्थायी प्रहरी पोष्ट बागबजारको आयोजनामा बिहान ८ बजेदेखि ९ बजेसम्म सरसफाइ कार्यक्रम सञ्चालन गरिएको हो।

अस्थायी प्रहरी पोष्ट बागबजारका इन्चार्ज मानबहादुर भण्डारीले बजार फोहोर हुँदा रोगसंक्रमण फैलिने सम्भावना रहने भएकाले बजारलाई सफा राख्न यो अभियान सञ्चालन गरिएको जानकारी दिए।

कार्यक्रममा सरसफाइ व्यवस्थापन समिति बागबजारका वर्तमान अध्यक्ष गणेश नेपाली, स्थानीय व्यापारी, राजनीतिक दल, पत्रकार प्रहरी तथा स्थानीयवासीको उपस्थिति थियो।