रुकुम पश्चिम -२१, साउन ।
राष्ट्रपति रामचन्द्र पौडेलले म्याट्रिक्स फाइटर नाइट टाइटल विजेता रवीन्द्र ढाँटलाई आज सम्मान गर्नुभएको छ । राष्ट्रपति भवन शीतल निवासमा आयोजित स्वागत कार्यक्रममा ढाँटलाई सम्मान गर्नुभएको हो ।
स्वागत कार्यक्रममा राष्ट्रपति पौडेलले देशलाई विश्वभर चिनाउने खेलाडी र खेलक्षेत्रको विकास तथा खेलाडीको सम्मान गर्न सरकारले योजना बनाएर प्रभावकारी कार्यान्वयन गर्नुपर्ने बताउनुभएको छ । त्यसका लागि खेलाडीको भविष्य खेलक्षेत्रमा नै सुरक्षित गर्नेतर्फ सरकारले विशेष ध्यान दिनुपर्ने उहाँको भनाइ छ ।
साथै देश विदेशका प्रतियोगितामा प्रतिस्पर्धा र प्रशिक्षणको अवसरसँगै आवश्यक सुविधा दिएर खेलाडीको सम्मान गर्न सके खेलाडीले कीर्तिमान र सफलता हासिल गर्न सक्ने राष्ट्रपति पौडेलले बताउनुभयो ।
भारतको नोएडामा केही दिन अघि सम्पन्न म्याट्रिक्स फाइट नाइट (एमएफएन) मा टाइटल होल्डर भारतका चोंगरेंग कोरेनलाई पराजित गर्दै रविन्द्र च्याम्पियन बनेका थिए ।
