रुकुम पश्चिम -१९, साउन ।

राष्ट्रिय परीक्षा बाेर्डले कक्षा १२ काे नतिजा आज बेलुकी सार्वजनिक गरेकाे छ । परीक्षामा ६१ दशमलव १७ प्रतिशत विद्यार्थी उत्तीर्ण भएका छन् ।

राष्ट्रिय परीक्षा बोर्डका अनुसार ३८ दशमलव ८३ विद्यार्थी ननग्रेड भएका छन् । यस वर्ष कक्षा १२ मा नियमिततर्फ तीन लाख ९० हजार आठ सय ४७ जना परीक्षार्थी सहभागी भएका थिए ।

जस अन्तर्गत एकलाख ९६ हजार नौ सय १४ छात्रा र एकलाख ९३ हजार नौ सय ३३ छात्र रहेका थिए ।

राष्ट्रिय परीक्षा बोर्डले ग्रेडवृद्धि परीक्षा भदौ २८ र २९ गते हुने जनाएकाे छ । कक्षा १२ को परीक्षा परीक्षा वैशाख १४ गतेदेखि सुरु भएको थियो ।

परीक्षाकाे नतिजा हेर्न राष्ट्रिय परीक्षा बोर्डको वेबसाइट result.neb.gov.np वा neb.gov.np र नेपाल टेलिकमको वेबसाइट https://neb.ntc.net.np बाट हेर्न सकिनेछ ।

यसैगरी NEB Symbol No. टाइप गरी नेपाल टेलिकमको १६०० मा एसएमएस गरेर पनि नतिजा प्राप्त गर्न सकिने परीक्षा बोर्डले बताएको छ ।