रुकुम पश्चिम -१८, साउन ।
रुकुम पश्चिममा नयाँ नागरिकता लिनेको सङ्ख्या घट्दा प्रतिलिपि लिनेको सङ्ख्या बढेको छ । गत आर्थिक वर्ष ८१/८२ मा जिल्ला प्रशासन कार्यालयबाट वितरित सेवाका आधारमा ५ हजार ६ सय ४८ जनाले नयाँ नागरिकता लिएका छन् ।
प्रमुख जिल्ला अधिकारी कुल बहादुर जिसीका अनुसार आर्थिक वर्ष ८०/८१ को तुलनामा भन्दा गत आर्थिक वर्षमा नयाँ नागरिकता लिनेको सङ्ख्या घटेको छ । ८०/८१ मा ५ हजार ८ सय २ जनाले नयाँ नागरिकता लिएका थिए ।
उक्त तथ्याङ्कलाई हेर्दा गत आर्थिक वर्ष ८१/८२ मा भन्दा ८०/८१ मा एकसय ५४ जना बढीले नयाँ नागरिकता लिएका छन् ।
तर नयाँ नागरिकता लिनेको संख्या घट्दै गर्दा प्रतिलिपि लिनेको सङ्ख्या भने बढ्दै गएको छ । गत आर्थिक वर्ष ८१/८२ मा जिल्ला प्रशासन कार्यालयबाट चार हजार ३ सय ६८ जनाले प्रतिलिपि लिएका छन् । आर्थिक वर्ष ८०/८१ को तुलनामा भन्दा गत आर्थिक वर्षमा ८ सय ६५ जना बढीले नागरिकताको प्रतिलिपि लिएको जिल्ला प्रशासन कार्यालयले बताएको छ ।
कार्यालयले गत आर्थिक वर्षमा सम्पादित कार्यहरूको विवरण आइतबार पत्रकार सम्मेलन मार्फत सार्वजनिक गरेको हो ।
