रुकुम पश्चिम -२१, असार ।

प्रेस सेन्टर नेपाल आठविसकोट अध्यक्षमा इतिहास परियार चयन भएका छन् । आठविसकोट राडीमा आज सम्पन्न तेस्राे पालिका अधिवेशनबाट परियार अध्यक्षमा चयन भएका हुन् ।

तेस्रो अधिवेशनबाट उपाध्यक्षमा सुवास बटाला, सचिवमा सन्तोष केसी, सहसचिवमा रमेश केसी र कोषाध्यक्षमा भगवती थापा सर्वसम्मत चयन भएको प्रेस सेन्टर नेपाल रुकुम पश्चिमले बताएको छ ।

पदाधिकारी सहित ११ सदस्यीय कमिटीमा भगवती थापा, गाेबिन्द बुढा, सन्ताेष सिर्पाली, आशा विक, रेश्मा बिक र मणिकर्ण बुढा सदस्यमा चयन भएका छन् ।

पालिका कमिटीको सल्लाहकारमा महेश मल्ल रहेको प्रेस सेन्टरले बताएको छ । प्रेस सेन्टर नेपाल, प्रदेश तथा जिल्ला स्तरका नेताको उपस्थितिमा तेस्रो पालिका अधिवेशन सम्पन्न गरिएको छ ।