रुकुम पश्चिम -२१, असार ।

नेपालले एसिसी मेन्स यु-१६ इस्ट जोनको उपाधि जितेको छ । मलेसियामा आज भएको फाइनल खेलमा सिंगापुरलाई २ विकेटले हराँउदै नेपालले अपराजित हुँदै उपाधि जितेको हो ।

जितको लागि एकसय १४ रनको सामान्य लक्ष्य नेपालले ८ विकेटमा क्षतिमा पूरा गर्दै च्याम्पियन बनेको छ । नेपालको जितको लागि २९ औँ ओभरको अन्तिम बलमा अभय यादवले छक्का हिर्काउँदै जितको आधार तयार गरेका हुन् ।

यसअघि टस जितेर ब्याटिङ रोजेको सिङ्गापुर ४०.५ ओभरमा अल आउट भएको थियो ।

नेपाल र सिंगापुर एकै समूहमा थिए । समूह चरणमा नेपालले सिंगापरलाई ६ विकेटले पराजित गरेको थियो ।

गत संस्करणको फाइनलमा मलेसियालाई २ सय २१ रनले हराउँदै नेपाल च्याम्पियन भएको थियो ।